![]()
سبق حائل ــ علي الساير :
تابع ( مسلسل :- ذكرياتٌنا الرمضانيه زمان السراج ) -2-
وعند أذان المغرب والشايب اللى ليلته ظلما , زقرْنا وقال حنّا بحاجة الميخف اليوم , تعالو بعد يومين تاخذونه !!!. خوش مكافأة .
أنا , وحمد وسليمان يدينا دمْ من شيل الخشب , خذا سليمان رضمه يبى يفلقه وخذيته من يد سليمان غصب عليه ودزّن سليمان من الحمق وطحت بالارض لكنه ندم وشد يدى وحبّن متحسف ,عسى مثوى حمد وسليمان فردوسه الأعلى ووالدينا والمسلمين أجمعين , والله ماأنساهم عسى الله يجمعنا بوالدينا وبهم بفردوسه الأعلى وإخواننا المسلمين أجمعين .
كدّنا الشايب ولاسأل من حنّا عياله حتى كبودنا من التعب كأن مشبوب ٍ بها نار, شلون أهل بيته عايشين مع شايب ٍ عفن ؟؟!! , ورفض يعطينا الميخف , وخْوياي حطوْ حمْقتهم بي وصارويهاجمونن بالشتايم وانا مستسلم مابين وشْ عذري من أمىّ , وتعب خوياي اللى ماتوقعته , وعمايل الشايب العفن المقرف الّلى مايخاف الله , ويالله نمكن صلاة المغرب بغير مسجدنا, درى أبوى بالسالفة من بكرى وراح يمّه بفلاحته ودخل عليه وعساه مايدخل على غيره .......؟؟؟
تحدث أحد خوياي من حارة مجاورة وقال فطور رمضان كل ليلة بقهوة من قهاوى سوقنا , والفطور – تمر – وقهوة – وتاوهْ – وشوربا ابو ولد من دكان عودة الحربي , نحضر مع أبواننا ونفطر مع الجماعة , والقهوة ظلام والسراج ضعيف نوره , قالو الجماعة لنا { توحّـوْ} يعنى تسمّعوْ : ياعيال لاأذّن المغرب لأجل نفطر, وهاك الحين مابه مدفع رمضان , إليا أذّن مسجد نا مايسمعه اللى بآخر السوق, أمّا إذا أحتسب المؤذّن , وصعد درج المنارة إرتفاعها سبع عتبات طين يُسْمعْ أذان المغرب , وإن صار مطر يذّن بقبة المسجد ثم دوّر الأذان ساعة سمعنا الآذان ركضنا وعلّمنا الجماعة , وزمان شبابنا السراج هو الضوء الحصرى بنورة الضعيّف .
سمّوبالله وبدو بالفطور قام ولد اللى عندهم الفطور يبى يقهْوى الصايمين على فطورهم --- أكثر
